Ashkalitë dhe romët e zhvendosur në Podgoricë vizitojnë pronat e tyre në Vushtrri

Një grup i komunitetit shkali dhe rom që jetojnë si refugjatë në Podgoricë, në kuadër të strategjisë së kthimit dhe gjegjësisht programit “shko dhe shiko” dje kanë vizituar pronat dhe fqinjët e tyre në Vushtrri.

            Gjatë kësaj vizite përfaqësuesit e ashkalive dhe romëve që janë të strehuar në kryeqytetin malazias, kanë vizituar pronat e tyre, fqinjët shqiptarë dhe bashkombasit e tyre shkali që janë kthyer më herët në shtëpitë e tyre. Zyrtari për komunitete në Komunën e Vushtrrisë Tafil Hyseni thotë se ashkalitë dhe romët janë interesuar për mundësitë e rindërtimit të shtëpive si dhe kthimit në Vushtrri.

            Këtë vizitë të përfaqësuesve të ashkalive dhe romëve e ka mundësuar organizata DRC. Ndërkaq që për shkak të gjendjes së mirë të sigurisë që ekziston aktualisht në Vushtrri nuk ka pasur nevojë dhe se kjo vizitë nuk është siguruar nga policia.