K  O  M  U  N  I  K  A  T  Ë

nga mbledhja e përbashkët e Kryesisë së Kuvendit të Komunës  dhe Këshillit të drejtorëve  në përbërje të zgjeruar mbajtur më 9 mars 2005

-------------------------------------------------------------------------------------------

·        Lajmi për ngritjen e aktakuzës nga Prokuroria e Tribunalit të Hagës, ndaj Kryeministrit të Kosovës z. Ramush Haradinaj, ka shkaktuar shqetësim dhe tronditje të thellë, keqardhje dhe dhembje te të gjithë qytetarët e komunës së Vushtrrisë.

·        Organet gjegjësisht institucionet e komunës dhe qytetarët çmojnë lartë punën dhe veprimtarin e z. Ramush Haradinaj si gjatë Luftës Çlirimtare poashtu edhe në kohën e pasluftës e veçanarisht si Kryeministër i Kosovës. Poashtu përkrahin vendimin e tij dinjitoz dhe atdhetar për përgjigje në thirrje dhe gatishmëri për bashkëpunim me Gjykatën ndërkombëtare në Hagë.

·        Institucionet e komunës së Vushtrrisë kërkojnë nga organet qendrore të Kosovës që të marrin për obligim që z. Ramush Haradinaj t’i ofrohet mbështetje dhe mbrojtje institucionale gjatë gjithë procesit  në Gjykatën e Hagës. Ndërkaq, duke marr për bazë gatishmërin e tij për paraqitje vullnetare në Gjykatën e Hagës, organet gjegjësisht institucionet  dhe qytetarët e komunës së Vushtrrisë kërkojnë nga Tribunali i Hagës që z. Ramush Haradinajt t’ i mundësohet mbrojtja në liri.

·        Institucionet dhe qytetarët e komunës së Vushtrrisë besojnë në drejtësinë ndërkombëtare, pa ndikime politike nga jashtë dhe janë thellësisht të bindur në pafajsinë e tij, andaj shpresojnë në kthimin sa më të shpejt të tij dhe marrjen e angazhimeve me rëndësi për Kosovën.

·        Organet dhe institucionet e komunës mbështesin fuqishm kërkesën e z. Haradinajt, drejtuar Bashkësisë Ndërkombëtare, për përshpejtimin e procesit të njohjes së pavarësisë së Kosovës si dhe apelin e tij drejtuar institucioneve të Kosovës, në veçanti Qeverisë së Kosovës, që të vazhdoj edhe më me përkushtim e përgjegjësi në përmbushjen e detyrave që do të rezultojë me vlerësimin e punës rrethë përmbushjes së standardeve para hapjes së çështjes së definimit të statusit të Kosovës.

·        Nga të gjitha institucionet e komunës dhe subjektet politike kërkohet angazhim dhe bashkpunim në tejkalimin e situatës së krijuar për realizimin e të gjitha detyrve nga kompetenca e tyre.

·        Institucionet e komunës në Vushtrri konsiderojn se prolongimi i zgjidhes së statusit të Kosovës shprehet negativisht  në stabilitetin dhe sigurin e përgjithshme në Kosovë dhe jemi të bindur se duke marr përbazë sakrificen sublime të popullit të Kosovës për liri dhe pavarësi dhe ndërtimin e nji vendi të mirëfillt demokratik, zgjidhje pa alternativë sipas vullnetit të shprehur është pavarësia e Kosovës.

·        Organet dhe institucionet e komunës apelojnë tek qytetarët që të jenë vigjilent dhe ta tejkalojnë me gjakftohtësi këtë situatë, për hirë të familjes Haradinaj dhe ardhëmërisë së Kosovës, në mënyrë që të mos devalvohen vlerat e Luftës Çlirimtare të Kosovës, përpjekjet dhe  sakrificat e vazhdueshme të popullit të Kosovës për realizimin e aspiratave për shtet sovran dhe të pavarur të Kosovës - Shtet demokratik dhe të integruar në bashkësin e vendeve demokratike.

Kryetari i Komunës

Muharrem Shabani