Kryeministri Bajram Kosumi viziton Komunën e Vushtrrisë

            Kryeministri i Kosovës Bajram Kosumi i shoqëruar nga Astrit Ajeti  zëvendësministër i shëndetësisë, të mërkurën ka qëndruar për vizitë në Komunën e Vushtrrisë. Në këtë takim janë diskutuar çështjet e zhvillimit por edhe problemet me të cilat përballet pushteti lokal. Kryeministri, pas takimit tha se kishte kënaqësinë të ndëgjoj për rezultatet dhe sukseset që janë arritur në Komunën e Vushtrrisë për të cilën gjë ka  përgëzuar drejtuesit e pushtetit lokal. “Ne këmi biseduar edhe për vështërsit që ka komuna dhe se do të gjejm zgjidhje për to “, ka thënë Kosumi në vizitën e parë që ka bërë në Komunën e Vushtrrisë që nga emrimi i tij si kryemisnistër i Kosovës.

Ndërkaq kryetari i Komunës Muharrem Shabani në këtë takim me kreun e Qeverisë së Kosovës ka diskutuar edhe disa prej problemeve më të prehta që ka Komuna e Vushtrrisë si dhe ka kërkuar përkrahje nga Qeveria për zgjedhjen e këtyre problemeve. “Ne e njoftuam Kryeministrin për punët dhe angazhimet që po zhvillohen në Komunën tonë, gjithashtu edhe për vështërsitë me te cilat ballafaqohemi si komunë e që  na duhet edhe ndihma e Kryeministrit dhe besojmë se ndihma e tij nuk do të mungojë” ka thënë Shabani. Në këtë takim Shabani i ka kërkuar kryeministrit përkrahje për ndërtimin e një objekti shkollor në qytet ku ka 23 vite që nuk është ndërtuar asnjë shkollë, pastaj ka kërkuar nga Ministria e shëndetësisë që të ndajë mjetet për inventar dhe paisje mjeksore të QKMF-së e cila ështtë ndërtuar nga Emiratet e Bashkuara Arabe por e cila ende nuk po mund të shfrytëzohet. Ai ka njoftuar Kryeministrin dhe njëkohësishtë edhe i ka kërkuar përkrahjen e tij edhe lidhur me problemin e madh që kanë qytetarët e Vushtrrisë për furnizim me energji elektrike pas djegjes së trafostacionit 110/35 KV.

Shabani ka i ka shprehur brengen e tij kryeministrit edhe lidhur me problemet që kanë Komunat me çështjen e tokave në relacion me AKM-në, pastaj rreth centralizimit total siq është shprehur Shabani në shfrytëzimin e mjeteve buxhetore, si dhe zhveshjen e komunave edhe nga ato kompetenca që kanë pasur me rregulloren e UNMIK-ut mbi pushtetitn lokal, 2000/45.

Më pas kryeministri i shoqëruar edhe nga kryetari i Komunës kanë zhvilluar një takim me banorët serbët e fshatit Gracë ku i kanë inkurajuar ata që të marrin pjesë në procesin që siguron edhe të ardhmën e tyre dhe i kanë bërë thirrje që të dalin nga vetizolimi.