K  U  M  T  E  S  Ë

Nga mbledhja e jashtëzakonshme e Komitetit për Politikë dhe Financa mbajtur më 02.02.2005.

Kuvendi i Komunës në Vushtrri në séancën e mbajtur më 20.05.2004 me rastin e shqyrtimit të përgjegjësisë, për shkak të shkeljeve të detyrave të punës, dështimeve dhe mospëmbushjes së detyrave sipas dispozitave të neneve 30.8 dhe 31.4 të Rregullorës nr.2000/45 mbi Vetëqeverisjen e Komunave të Kosovës dhe neneve 180 e 202 të Statutit të Komunës, ka marr Vendim për shkarkim të:

1. z. Esret Uka, nga posti i Kryeshefit Ekzekutiv,
2. z. Veli Karaqa, nga posti i drejtorit të Drejtorisë për Shërbime Publike,
3. z. Besim Jashari, nga posti i drejtorit të Drejtorisë për shëndetësi dhe mirëqenje sociale,
4. z. Bajram Xhafa, nga posti i drejtorit të Drejtorisë për Gjeodezi, Kadastër dhe marëdhënje pronësore-juridike,
5. z. Hysen Sfarqa, nga posti i drejtorit të Drejtorisë për Bujqësi dhe Resurse Natyrore.

Për shkak të arsyerave që do të  ceken në vijim:

z. Esret Uka - Kryeshef Ekzekutiv,

·        Menaxhim i dobët dhe i kundërligjshëm i Buxhetit të Komunës,

·        Alokimi dhe zotimi i mjeteve financiare të parapara me buxhetin e komunës për të cilat nuk janë informuar fare Kuvendi i Komunës dhe Komiteti për Politikë dhe Financa,

·        Mosimplementimi i rekomandimeve të auditorit të jashtëm “Deloite Touch” dhe të Revizorit Financiar të MEF të Kosovës,

·        Transferimi i kundërligjshëm i llogarisë zyrtare bankare të komunës prej një banke në bankën tjetër më dt.21.11.2003, duke shkelur rregullat dhe procedurat që rregullojnë transferin e llogarisë bankare – duke kërkuar linjë kreditore në shumën prej 150.000.00 € për firmën e tijë private, për çka Revizori financiar i MEF-it të Kosovës ka kërkuar ndërmarrjen e masave sipas Ligjit për menagjimin financiar të Kosovës,

·        Mosparaqitja e konfliktit të interesit me rastin e lidhjes së kontratës-lidhja e kontratës dhe aneks kontratës me dajën e tij me rastin e renovimit të QMSH “Lutfi Musiqi” në Vushtrri,

·        Ndarja e kundërligjshme e mjeteve financiare në lartësi prej 300.000,00 € për ndërtimin e kanalizimit në fshatin Rrafshmir (ish Dobërllukë),- vendbanimin e tijë, pa e shqyrtuar dhe vendosur asnjë organ,

·        Ndarja e kundërligjshme e bursave të studentëve të Komunës së Vushtrrisë, pa vendosur organet kompetente të KK-ës

·        Punësimi në shërbimin civil të komunës në baza familjare dhe shoqërore,

·        Injorimi i kërkesave dhe vendimeve të Kuvendit të Komunës dhe kërkesave e urdhëresave të kuvendit,

·        Menaxhimi I kundërligjshëm i pronës komunale

·        Heqja dhe asgjsimi i shkresave zyrtare nga tabela e shpalljeve zyrtare të komunës, (më dt.07.01.2005), Mosparaqitja e raportit të punës së Bordit të drejtorëve për vitin 2003,

z. Veli Karaqa – drejtor i Drejtorisë për Shërbime Publike.

·        Menagjim i dobët i lamive të shërbimeve publike në komunë,

·        Nënshkrimi i kontratave për kryrje të punëve pa u zbatuar procedurat e prokurimit,

·        Mosmarrja e masave për parandalimin e kyqjes së qytetarëve në rrjetin e ujësjellsit, kanalizimit, me çka ka ardhë deri te damtimi i tyre,

·        Pjesëmarrja në komisionin vlerësues me rastin e tenderit për rregullimin e rrugës “Lidhja e Lezhës” me të cilin është tentuar që punët t’i ipen tenderuesit me ofertë më të shtrejtë, mbi 50.000,00 €, për të cilën gjë ky tender është anuluar me kërkesë të organeve më të larta,

·        Dështimi i realizimit të projektit të gjelbrimit të qytetit për të cilin janë ndarë mjete nga buxheti i komunës,

·        Mosangazhimi i duhur për caktimin e lokacioneve për treg të bagëtive,treg të gjelbërt dhe tregut për lendë tjera,

·        Moszbatimi  i detyrave nga plani strategjik për zhvillimin e komunës,

·        Heqja dhe asgjasimi i shkresave zyrtare nga tebela zyrtare e komunës, më dt. 07.01.2005,

·        Si rezultat i dështimeve të cekura si më lartë nuk është miratuar raporti I punës së Drejtorisë për shërbime publike për vitin 2003.

z. Besim Jashari, drejtor I Drejtorisë për shëndetësi dhe mirëqenje sociale.

·        Menagjim shum i dobët i shëndetësisë në komunë, që për pasojë ka patur shërbime të dobëta dhe jocilësore shëndetësore,

·        Insistimi që mjetet e donancionit për rregullimin e objektit të spitalit “Sheik Zayed” në Vushtrri, të dhuruara nga Emiratet e Bashkuara Arabe, të barten në llogari private, të propozuara në memorandum,

·        Mosmenagjimi I drejtë me resurse njerëzore, përkatësisht personelin mjekësor të punësuar dhe mosfunksionimi në nivel të dëshiruar I punkteve dhe QMF-re nëpër fshatra,

·        Mosmenagjimi I mirëfillt I institucioneve shëndetësore të komunës, si dhe moslëshuarja e kontratave të punës për punëtorët në QKMF-re në Vushtrri,

·        Mosorganizimi dhe mosangazhimi I duhur I  resurseve njerëzore nëpër objektet shëndetësore të Komunës së Vushtrrisë,

·        Mospërmbushja dhe moszbatimi I planeve dhe detyrave të cilat dalin nga plani strategjik I zhvillimit të Komunës së Vushtrrisë,

·        Mosnjohuria e Drejtorit të Drejtorisë për shëndetësi dhe përkujdesje sociale, për funksionimin e ordinancave shëndetësore private dhe barnatoreve private në Komunën e Vushtrrisë,

·        Mosinkasimi I të hyrave sipas numrit të vizitave të paraqitura në raportin e punës,

·        Si rezultat I dështimeve të cekura si më lartë nuk është miratuar raporti I punës së Drejtorisë për shëndetësi dhe përkujdesja sociale  për vitin 2003,

z. Bajram Xhafa, drejtor I Drejtorisë për Gjeodezi, kadastër dhe marëdhënje pronësore-juridike.

·        Menagjim shumë I dobët në lemin e gjeodezisë, kadastrit dhe marëdhënjeve pronësore-juridike që për pasojë ka patur shërbime të dobëta dhe jocilësore në komunë,

·        Shkelja e dispozitave të Rregullores së komunës mbi tarifat dhe ngarkesat komunale si dhe lëshuaraja nga ana e kësaj drejtorie e vendimeve të kundërligjshme me të cilat është dëmtuar buxheti I komunës në shumë rrethë 146.000,00 € për çka është bërë kallxim penal kundër tij,

·        Moszbatimi I vendimeve të plotëfuqishme të organeve të administrates dhe gjykatës,

·        Dhënja e lejeve për objete të përkohshme pa vendim të organeve kompetente,

·        Mosndarmarrja e masave ndaj uzurpimeve të shumta të pronës së komunsë si në qytet njashtu edhe në zonat rurale,

·        Përdorimi I aparateve dhe mjeteve tjera teknike zyrtare të punës për qëllime private gjatë orarit të punës,

·        Moszbatimi I rekomandimeve të revizorit komunal dhe revizorit të MEF-it të Kosovës lidhur me lëshimet e konstatuara në raportet e tyre,

·        Si rezultat I dështimeve të cekurae si më lartë nuk është miratuar raporti I punës së Drejtorisë për Gjeodezi, kadastër dhe marëdhënje pronësore-juridike për vitin 2003.

z. Hysen Sfarqa, drejtor i Drejtorisë për Bujqësi dhe Resurse natyrore.

·        Menagjim shum I dobët në lëmin e bujqësisë dhe resurseve natyrore që për pasojë ka patur shërbime të dobëta dhe jocilësore në komunë,

·        Mospërmbushja dhe moszbatimi I planeve dhe detyrave që dalin nga plani strategjik i zhvillimit të komunës për periudhën 2003-2006,

·        Mosnjohja nga ana e drejtorit të kësaj drejtorie se ekziston plani strategjik i zhvillimit të komunës për periudhën 2003-2006, e që për pasojë ka patur moszbatimin e tijë,

·        Mosndërmarrja e masave stimuluese dhe lehtësuese për bujqit që do të ndikonte drejtpërsëdrejti në zhvillimin e bujqësisë në Komunën e Vushtrrisë,

·        Mostransparenca në ndarjen e ndihmave dhe mosinformimi i organeve kompetente për mënyrën e ndarjes së ndihmave për zhvillimin e bujqësisë sikurse jaanë ndihmat në fondin e shtazëve,shpezëve,serave,paisjeve bujqësore, farërave etj, për të cilën gjë kishte vërejtje të shumta të qytetarëve,

·        Si rezultat I dështimeve të cekura si më lartë nuk është miratuar raporti I punës së Drejtorisë për bujqësi dhe resurse natyrore për vitin 2003.

Kuvendi i Komunës dhe institucionet komunale janë fuqimisht të përcaktuara për ndërtimin e institucioneve demokratike të mirëfillta profesionale efektive të përgjegjëshme të paanshme transparente dhe në shërbim të të gjithë qytetarëve të Komunës. Në këtë drejtim Bordi i drejtorëve është dhe duhet të jetë në funkcion të kryerjes profesionale të detyrave dhe I pandikuar nga politika.

Duke u bazuar në këto parime, në vitin 2004 e sidomos në 6 mujorin e dytë, pas ndrrimeve në Bordin e drejtorëve si asnjëherë më pare janë arritur rezultate në komunën e Vushtrrisë ( ndërtimin e infrastructures, rrugëve, trotuareve, rrjetit të kanalizimit etj.) si në qytet poashtu edhe në fshatrat e komunës së Vushtrrisë.

Vendimi i Kuvendit për shkarkim të të përmendurëve nuk është edhe nuk ka përmbajtje politike por është i bazuar me forcën e argumenteve në Ligje, Rregullore dhe Statut të Komunës.

Aktgjykimi i Gjykatës Komunale për kthim në vendet e punës të shkarkuarëve, është zbatuar pa asnjë problem me datën 06.01.2005.

Mirëpo, me datën 14.01.2005, Kuvendi i Komunës pas zbatimit të të gjitha procedurave të parapara Ligjore ka shqyrtuar sërish përgjegjësin e të shkarkuarëve dhe pas debatimit të gjithëanshëm në të cilën kan marrë pjesë të shkarkuarit, në mënyrë demokratike dhe me votën e lire të shumicës së delegateëve ka marrë vendim për shkarkim të të njejtëve. Ky Vendim nuk është marrë vetëm nga Kryetari i Kuvendit Komunal por me shumicën e votive të anëtarëve të Kuvendit i cili është i vetmi organ competent për shkarkim të anëtarëve të Bordit të Drejtorëve.

Në këtë séancë (14.01.2005), gjatë gjithë séancën ishin present përfaqësues të UNMIK-ut, të OSBE-ës dhe monitories nga Ministria e Pushtetit Lokal të Kosovës të cilët nuk paten asnjë vrejtje në punën e séances së Kuvendit, pasi që e tërë procedura ishte zbatuar sipas rregulloreve në fuqi.

Kuvendi i Komunës në Vushtrri dhe institucionet komunale janë shembull tipik ingritjes së tyre mbi interesat e ngushta grupore apo planore e partiake dhe në shërbim profesional e të mirëfillt për të gjithë qytetarët e komunës pa dallim të përkatësisë etnike, gjinore, politike etj. duke iu mundësuar që në mënyrë të lire të shprehin mendimete e tyre dhe votën e tyre.

Tendencat e një pjese të Kryesisë së degës së LDK-ës në Vushtrri janë antidemokratike dhe të kundërligjshme sepse masat e ndërmarura nga Kuvendi Komunal për shkarkim të të lartëpërmendurëve kan prekur interesat e individëve apo grupeve të caktuara. Qëndrimi që të iu dilet në mbrojtje personave të cilët kan dështuar në punën e tyre, kan abuzuar ligjet dhe shkelur rregulloret dhe Statutin e Komunës, kan për qëllim krijimin e konfuzionit tek qytetarët dhe tensionimin e situates së përgjithshme në Komunë. Me këtë rast ata dëmtojn edhe vetë autoritetin e subjektit politik të cilit I përkasin.

Kuvendi I Komunës dhe organet e tij mirëpresin çdo propozim, vërejtje, kritikë dhe sugjerim prej çdo kujtë por i cili është në interes të funkcionimit të mirëfillt të organeve komunale dhe progresit të përgjithshëm në Komunë, ndërsa, do të jenë çdo here kundër tendencave destructive, qëllimkqija e për interesa grupore apo klanore siq është vepruar në kumtesën në fjalë.

Të shkarkuarit kan tentuar disaherë pas shkarkimit të tyre nga ana e Kuvendit Komunal që me dhunë të i mbajn vendet-zyret e tyre të punës siqë është rasti me z. Esret Uka i cili ka bërë shpërdorimin e pasurisë së tundshme komunale – mbajtja dhe keqpërdorimi i vulës zyrtare të Kryeshefit ekzekutiv dhe prezentimi i rrejshëm i tijë si Kryeshef ekzekutiv, si dhe nënshkrimi i disa shkresave zyrtare pas dates 14.01.2005 për çka nga organi competent ndaj tijë është ushtruar kallxim penal, dhe ka marrë vendim për anulimin e të gjitha atyre shkresave dhe akteve.

Tendenca dhe kërkesa për ndërhyrje të institucioneve qendrore të Kosovës në Pushtetin local të Vushtrrisë është plotësisht e pabazuar, jo e drejtë dhe jo ligjore. Fundja, këto organe nuk janë ndërtuar për interesa të ngushta grupore, klanore apo partiake por janë të njejta të barabarta dhe iu shërbejn të gjithë qytetarëve të Kosovës pa dallim.

Përkundër këtyre dezinformimeve qëllimkqija dhe obstrukcioneve e pengesave nga një pjesë e Kryesisë së LDK-ës në Vushtrri, institucionet Komunale do të angazhohen fuqimisht në përmbushjen e të gjitha obligimeve dhe përgjegjësive Ligjore në veqanti të atyre lidhur me përmbushjen e standardeve për Kosovën, në interes të të gjithë qytetarëve të komunës dhe  Kosovës.

Rrugëtimi i popullit të Kosovës gjatë historisë për një shtet të lire demokratik dhe të pavarur, me sakrifica të shumta njerëzore dhe materiale për një prespektivë më të mire për të gjithë, nuk i jep drejtë askujt që ato sakrifica të i përvetsojë për interesa të ngushta grupure apo klanore.

Zyra për Informim