Kryeministri i Kosovës Bajram Rexhepi së bashku me drejtuesin e Qendrës operacionale të AER-it në Kosovë bën përurimin e hapjes zyrtare të Fabrikës për përpunimin e patatës në fshatin Pestovë të Vushtrrisë

E përkrahur nga Agjensioni Evropian për Rindërtim (AER), Kompania �Pestova� më 22.09.2004 ka bërë hapjen zyrtare të Fabrikës për përpunimin e patatës në fshatin Pestovë të Vushtrrisë. Përurimin solemn të kësaj fabrike private e kanë bërë kryeministri i Kosovës Bajram Rexhepi së bashku me drejtuesin e Qendrës operacionale të AER-it në Kosovë, Thiery Bernard Guele.

Duke folur për përkushtimin e Qeverisë së Kosovës për mbështetjen e bujqësisë, kryeministri Rexhepi tha se potencialet dhe orientimi strategjik i Kosovës në zhvillimet e ardhshëme do të jen energjetika, bujqësia, mineralet dhe teknelogjia informative, mirëpo shanca më e madhe për kosovarët janë invetimet në bujqësi, dhe ato jo vetëm në prodhime bujqësore por edhe në përpunimin e tyre.

Është paradoksale, tha kryeministri kur Kosova ka potenciale që me prodhime të patatës ta furnizojë gjysmën e Ballkanit, edhe më tutje të importojë prodhime çipsave dhe pomfrytit. Duke përgëzuar pronarët për një orientim të tillë të biznesit të tyre, kryeminstri Rexhepi ka shprehur optimizmin e tij që Oda Ekonomike dhe Aleanca e biznesit do ti favorizojnë këto iniciativë në mënyrë që ti përdorim prodhimet tona.

Kryemistri me këtë rast ka falenderuar edhe AER-in të cilët gjithnjë po japin përkrahje dhe ka vlersuar lart premtimin sot të e z. Bernad Guele se do të ndihmojë në themelimin e fondit për zhvillim rural në Kosovë.

Duke folur për politikën fiskale, Rexhepi ka vlersuar se Qeveria ka pas disa suksese si lirimin nga tarifat doganore në mekanizëm dhe repromaterial, mirëpo orientimet e Qeverisë janë që të ulet TVSH-ja sidomos për produktet bujqësore. �Nuk do të premtoj se për momentin do të kemi subvencione, por jemi të përkushtuar që ti ndihmojmë prodhuesit tone�, tha kryeministri me rastin e ceremoniesë së përurimit të Fabrikës për përpunimin e patatës në Pestovë të Vushtrrisë. Krejtë në fund të fjalës së tij kryeministri Rexhepi u ka bërë apel tregtarëve që në dyqanet e tyre të ken më tepër prodhimet vendore.

      Drejtuesi i qendërs operative të AER në Kosovë, Tierry Bernard Guele, tha se që nga viti 1999 AER-it përmes ABU bankës është duke përkrahur bujqësinë në Kosovë. Duke folur për përkrahjen e dhënë kompanisë Pestova, ai tha se shpirti i këtij investimi ka qenë vet pronari. �Nëse doni që të keni përkrahje fillimisht ndihmoni vetvetën�, u ka dhënë mesazhin farmerëve z. Guele.

      Edhe nga ky solemnitet i përurimit të kësaj fabrike, Menders Ibra, sekretar i përhershëm në MBPZHR-ë ka kërkuar nga donatorët ndërkombëtar që ta mbështesin më shumë bujqësinë. Ai tha se Ministria e Bujqësisë është e vendosur në përmirsimin e politikave fiskale, që do ta mbështesinë bujqësinë.

      Në splemnitetin e përurimit të kësaj fabrike kanë folur edhe Drejtuesi i ekipit të ABU-së, Johan Shearing si dhe pronari dhe themeluesi i Fabrikës z. Bedri Kasumi i cili ka falenderuar të gjithë mekanizmat dhe institucionet që e kanë mbështetur në hapjen e fabrikës.

      Në këtë fabrikë bëhet përpunimi i patatës në çips, pomfryt dhe patate të qeruar, ndërkaq që lënda e parë-patatja është e siguruar tërishtë nga arat e Vushtrrisë.

      Fabrika e përpunimit të patatës e kompanisë Pestova është ndërtuar para një viti, por për shkak të çmimit të lartë të patatës në treg që ishte vitin e kaluar, përpunimi i patatës nuk ka filluar punën deri më tani.