Investime në projekte të infrastrukturës, gjysmë milion euro investime në infrastrukturën rrugore

Në kuadër të projekteve të investimeve kapitale, kryesishtë për infrastrukturën rrugore Komuna e Vushtrrisë ka ndarë mjete financiare në vlerë rreth 510 mijë ?. Vet kryetari i Komunës, Muharrem Shabani shprehet se në projektet të infrastrukturës rrugore do të përfshihet asfaltimi i rrugës në fshatin Smrekonicë në gjatësi prej 3 km si dhe asfaltimi edhe i 6 rrugëve tjera në qytet.

Pjesa më e madhe e këtyre mjeteve financiare janë nga burimet vetanake të buxhetit komunal. Kurse një pjesë e këtyre mjeteve financiare janë bartuar nga buxheti i vitit të kaluar nga granti i qeverisë së Kosovës të cilat kanë qenë të destinuara për ndërtimin e Qendrës kryesore të mjeksisë familjare. Mirëpo pasi që Emiratet e Bashkuara Arabe morën përsipër investimet e tërsishme në ndërtimin e kësaj qendre shëndetsore, kryetari Shabani thotë se Komuna ka bërë ridestinimin e këtyre mjeteve.

Me qëllim të pengimit të migrimit të banorëve të viseve rurale, Shabani thotë se Komuna është e vendosur në krijimin e kushteve më të mira dhe infrastrukturës edhe nëpër fshatra. Në këtë drejtim nga buxheti komunal është në proces ndarja e mjeteve financiare për projektet e rregullimit të rrugëve të rendit të katërt asaj, Vrri-Kullë, si dhe asaj Bukosh-Liqej. Gjatë këtij viti ai thotë se do të bëhen investime edhe në rrugët tjera të fshtrave të Vushtrrisë.

Përpos projekteve tjera që janë në përfundim e sipër, në kuadër të investimeve Komuna e Vushtrrisë me mjete vetanake këtë vit do të bëjë renovimin e objektit të Qendrës së Kulturës �Hasan Prishtina�, pastaj investime në vendosjen e ventilimit dhe ngrohjes në Palestrën e sporteve në qytet, si dhe renovimi i objektit të ish bashkësisë lokale që do të shfrytëzohet edhe për nevoja të organizatave joqeveritare.

Ndërkaq që synimet e Komunës në bashkpunim edhe me përkrahjen e Qeverisë është asfaltimi i rrugës Vushtrri-Skënderaj që është një investim kapital, pastaj lidhja me rrugë të dytë e Vushtrrisë me Mitrovicën përmes asfaltimit të rrugës nga fshati Shruerë në fshatin Frashër në gjatësi prej 4.5 km, si dhe vazhdimi i asfaltimit të rrugës, Krasniqe e mesme-Krasniqe e epër në gjatësi prej 2.5 km.