Ministri Osmani përuroi objektin e shkollës së re në Resnik të Vushtrrisë

Ministri i Arsimit, Shkencës dhe Teknologjisë, Rexhep Osmani, më 25.09.2004 në një ceremoni të organizuar nga banorët dhe pushteti lokal ka marrë pjesë në përurimin e shkollës së re të ndërtuar në fshatin Resnik të Vushtrrisë.

Duke përgëzuar nxënësit dhe gjithë banorët e fshatit për hapjen e kësaj shkolle ministri Osmani ka uruar që kjo vatër e diturisë të jetë një shtytje dhe një motiv i fuqishëm për të arritur suksese sa më të mëdha në procesin e arsimit dhe diturisë. Ai tha se MASHT-ja i kushton kujdes të veçant ndërtimit të infrastrukturës në mënyrë që të krijohen kushte sa më të mira për një arsimim të një niveli sa më të lartë. "Ministria i ka dhënë prioritet ndërtimit të kësaj shkolle, që do të thot se nuk kemi harruar vendet rurale që nxënësve t'u ofrojmë sa më afër shkollat"-tha  ministri Osmani�, me rastin e përurimit të shkollës në Resnik.

Ndërkaq, ndërtimin bërjen me shkollë të këtij fshati, drejtori i drejtorisë komunale të arsimit, Qazim Azemi e quajti një �dritare të re në këto troje të lëna pas dore me shekuj�. Kjo shkollë, tha ai, do të jetë një shtyllë e re e frontit të diturisë.

Shkolla e Resnikut është paralele e ndarë e shkollës fillore "Abdyl Frashëri" në Druar, ndërkaq në këtë vatër të re të diturisë do të mësojnë 230 nxënës dhe atë prej klasës së parë deri në të nëntën. Objekti i shkollës në fshatin Resnik është ndërtuar në tokën e dhuruar nga vëllezërit Mustafa, të cilët e bënë këtë gjest human, thjeshtë duke ndjerë nevojën që nxënësit e këtij fshati më të mos udhëtojnë në shkollën e fshatit fqinjë në Druar, rrugë kjo e cila pos largësisë ka qenë gjithnjë e rrezikshëme për jetën e nxënsëve.

Ndërkaq investimet për ndërtimin e kësaj shkolle, që kapin vlerën mbi 100 mijë Euro janë bërë nga MASHT-ja  dhe banorët e fshatit, këta të fundit kanë participuar me 8 mijë euro.